هەواڵی رۆژ

پێشوازی له‌بەڕێوبەری بەرنامەکانی ڕێکخراوی (NDI) كرد سەرۆکی پەرلەمان: پەیڕەوی ناوخۆی پەرلەمان هەمواردەکەینەوە

د.یوسف محەمەد سادق، سەرۆکی پەرلەمانی کوردستان، وتی" لەئێستادا لەپەرلەمان سەرقاڵی هەمواری پەیڕەوی ناوخۆی پەرلەمانین و دەمانەوێت پەیڕەوێکی نوێ دابنێین لەگەڵ کاری پەرلەمانی ئەم قۆناغە نوێیەماندا بگونجێت، بۆ ئەم مەبەستەش لیژنەیەکی تایبەتمەندی پەرلەمانی لەو بوارەدا کار دەکەن" وتیتشی "بۆ ئه‌نجامدانی ئه‌م پرۆسه‌یه‌ پێویستمان بە ئەزموونی دەوڵەمەندی پەرلەمانی وڵاتانی پێشکەوتوو هەیە".
ئەم وتانەی د.یوسف محەمەد سادق، سەرۆکی پەرلەمانی کوردستان، لەمیانی پێشوازیکردن بوو لە (لسلی کمبڵ) بەڕێوبەری بەرنامەکانی ڕۆژهەڵاتی ناوەراست و ئەفەریقای ڕێکخراوی نێودەوڵەتی (NDI) ئەمەریکی، کە ئەمڕۆ سێشەممە ٢٤-٢ سەردانی پەرلەمانی کوردستانی کرد و لەلایەن سەرۆکی پەرلەمانەوە پێشوازیکرا.
لەبەشێکی تری وتەکانیدا، سەرۆکی پەرلەمان باسێکی گشتی ڕەوشی سیاسی و ئابوری هه‌رێمی کوردستان و ڕۆڵ و کاری پەرلەمانی لەروداوه‌كانی هەرێمی کوردستاندا بۆ بەڕێوبەری بەرنامەکانی ڕێکخراوی (NDI) ئەمەریکی خستەڕوو، داوای لێکردن ڕیکخراوەکەیان بە هەماهەنگی سەنتەری توێژینەوەی پەرلەمان لە پرسە جیاوازەکانی سیاسی و کۆمەڵایەتی و ڕۆشنبیریی هاوکاری پەرلەمان بکەن.
لسلی کمبڵ، سوپاسی سەرۆکی پەرلەمانی کرد بۆ زانیارییەکانی لەسەر ئەو پرسانە. دواتریش باسی هاوکارییەکانی ڕێکخراوەکەیانی کرد لەقۆناغە جیاوازەکانی کارکردنیاندا لە هەرێمی کوردستان و عێراقدا، بەتایبەتیش لەبوارەکانی پەرەپێدانی دیموکراتی و گەشەکردنی لایەنی کۆمەڵایەتی و سیاسی، ئاماژەی بەوەشدا ئەوان بەردەوامن لەکارکردن لە هەرێمی کوردستان و عێراق، بەڵام شەڕی تیرۆرستان کارەکانی سنووردارکردوون.

هەواڵی زیاتر لە تویتەر

  • krg_irant

راپۆرتە پڕ بینەرەکان

حالت های رنگی

بازگردانی